هشام الجخ (شارع الحجاز)

24)ﺷﺎﺭﻉ ﺍﻟﺤﺠﺎﺯ(
ﺇﺗﺪﻟّﻌﻲ..ﻭﺍﺗﺒﻐﺪَﺩِﻱ..ﻭﺍﺗﻔﺎﺧﺮﻱ..
ﻭﺍﺗﺒﺎﻫﻲ
ﻗﻮﻟﻲ ﻟﻜﻞ ﺍﻟﻨﺎﺱ..ﺩﻩ ﻋﺸﻘﻨﻲ
ﻭﺍﻟﻠﻪ..
ﻟِـﻤِّﻲ ﺍﻟﻌﻴﺎﻝ ﺣﻮﺍﻟﻴﺎ ﺯِﻓُّـﻮﻧﻲ..
ﻇﺎﻇﻮﺍ ﻋﻠﻴّﺎ ﻭﺣَﺪِّﻓُﻮﻧﻲ ﻃﻮﺏ..
ﻣﺎ ﺍﻧﺎ ﺍﻟﻠﻲ ﺳِﺒْﺖ ﻋﻨﻴﻜﻲ ﻟَﻔُّﻮﻧﻲ..
ﻭﺍﻧﺎ ﺍﻟﻠﻲ ﺍﺳﺘﺎﻫﻞ ﻛﻞ ﻳﻮﻡ
ﻣﺮﻛﻮﺏ..
ﻓﺎﺗﺪﻟﻌﻲ..ﻭﺍﺗﺒﻐﺪﺩﻱ..
ﻭﺍﺗﻔﺎﺧﺮﻱ..ﻭﺍﺗﺒﺎﻫﻲ..
ﺁﺩﻱ ﺿَﺤِﻴَّﺔ ﻛﻤﺎﻥ ﻓِﺪﺍ ﺭِﻣﺸﻚ
ﺍﻟﺴﺎﻫﻲ..
ﻣﻮﺕ ﺍﻟﻀﺤﺎﻳﺎ ﺟَﺰَﺍﻳَـﺎ..ﻣﺎ ﺍﻧﺎ ﺍﻟﻠﻲ
ﻭَﺩِّﻳـﺘِـﻚ..
ﻭﻟْـﺤَﺪْ ﺣَﺪْ ﻣﺎ ﻭَﺩِّﺗُـﻮﺵ ﻭﻻ ﺣَﺪْ
ﻭَﺩِّﻳـﺘـﻚ..
ﻭﻗَﻠَﻌْﺖ ﻛﻞ ﺳﻨﻴﻨﻲ ﻋﻠﻰ
ﺧَﺼْﺮِﻙ..
ﺿَﻔَّﺮْﺕ ﺷَﻌْﺮِﻙ ﻋِﺶّ ﺟُﻮَّﺍﻳﺎ..
ﺑﺎﻳَـﻌْﺖ ﺣُﻜﻤِﻚ ﻭﺍﺑﺘَﺪِﻳﺖ
ﻋَﺼْﺮِﻙ..
ﻭﻭﻗَﻔْﺖ ﻭﺭﺍ ﻋﺮﺷِﻚ ﻭﻣَﺴَﻜْﺖ
ﻫـﻮَّﺍﻳﺔ..
ﻣﻮﺕ ﺍﻟﻀﺤﺎﻳﺎ ﺟَﺰَﺍﻳَـﺎ ﻭﻛُﻠَّﻬﺎ
ﺿﺤﺎﻳﺎ..
ﻣﻴﻦ ﺍﻟﻠﻲ ﻗﺎﻝ ﺍﻟﺤﺐ ﺁﺧﺮﻩ
ﻋَﻤَﺎﺭ؟؟؟
ﺍﻟﺤﺐ ﺁﺧﺮﻩ ﻧﻬﺎﻳﺔ ﻓﻲ ﺭﺣَﺎﻳﺔ..
)ﺍﻟﺮﺣﺎﻳﺔ ﻫﻲ ﻃﺎﺣﻮﻧﺔ
ﻳﺴﺘﺨﺪﻣﻮﻧﻬﺎ ﻓﻲ ﺍﻟﺮﻳﻒ
ﺍﻟﻤﺼﺮﻱ(
ﺍﻟﻘﺴﻮﺓ ﻃﺎﺣﻨﺔ ﻭﺍﻟﺤﺠﺮ ﺩﻭَّﺍﺭ..
ﻓﺎﺗﺪﻟﻌﻲ..ﻭﺍﺗﺒﻐﺪﺩﻱ..
ﻭﺍﺗﻔﺎﺧﺮﻱ..ﻭﺍﺗﺒﺎﻫﻲ..
ﻭﺍﺳﺘﻨﻜﺮﻱ ﻣﻦ ﻋﺰﺗﻲ..
ﻭﺍﺳﺘﻬﺘﺮﻱ ﺑـﺠﺎﻫﻲ..
ﺧَﻠِّﻴﻨﻲ ﻣﻀﺮﺏ ﻣَﺜَﻞ ﻣﻦ ﺑﻌﺪ ﻫﻴﺒﺔ
ﻭ ﻭﺯﻥ..
ﻛُﺒَّﻲ ﺍﻟﻤﺮﺍﺭ ﻓﻲ ﺍﻟﻌﺴﻞ..ﻭﺍﻣﻠﻲ
ﺍﻟﻔﺮﺡ ﺑﺎﻟﺤﺰﻥ..
ﻳﻌﻨﻲ ﺍﻧﺘﻲ ﺃﻭﻟﻬﻢ؟؟؟ﻭﻻ ﺍﻧﺘﻲ ﺍﻭﻝ
ﻫﻢّ؟؟؟
ﻭﻻ ﺍﻧﺘﻲ ﺍﻭﻝ ﺳﻬﻢ ﺇﺗْﺴَﻦْ ﻟﻲ
ﻭﺍﺗﺴﻢّ؟
ﻟﻮ ﺗﻜﺸﻔﻲ ﺿﻬﺮﻱ ﺗﻠﻘﻲ ﺍﻟﺴﻬﺎﻡ
ﻋﻼﻣﺎﺕ..
ﻭﺍﻧﺎ ﺯﻱ ﺯﺭﻉ ﻑ ﻫﻮﺍ ﻭَﻃَّﻰ ﺣِﻴِـﻲ
ﻭﻋَﻼ ﻣﺎﺕ..
ﻣﻮﺕ ﺍﻟﻌﻼﻟﻲ ﺷﺮﻑ..ﺑﺲ ﺍﺳﻤﻬﺎ
ﻣﻮﺗﺔ..
ﻣﺶ ﻋﺪﻝ ﺗﺒﻘﻲ ﻑ ﺗﺮﻑ ﻭﺍﻧﺎ ﺑﺎﻃﻔﺢ
ﺍﻟﻜﻮﺗﺔ..
ﻣﺎ ﻳﺎ ﺇﻣَّﺎ ﻧَﻘْﺴَﻤْﻬُﻢ ﻭَﺧْﺰَﺓ ﻗُﺼَﺎﺩ
ﻭﺧﺰﺓ..
ﻳﺎ ﺇﻣَّﺎ ﻻ ﻣﻮﺍﺧﺬﺓ..ﺗﻮﺗﺔ ﻳﺎ
ﺣﺪﻭﺗﺔ..
ﻭﺍﺑﻘِﻲ ﺍﻛﺪﺑﻲ ﺑﺮﺍﺣﺘِﻚ..
ﻭﺍﺗﺪﻟﻌﻲ ﺑﺮﺍﺣﺘِﻚ..
ﻃﻌﻢ ﺍﻟﻬﺰﻳﻤﺔ ﺟِﺰَﺍ ﻟﻠﻲ ﻳﺰﻭﺭ
ﺳﺎﺣﺘِﻚ..
ﻭﺍﻧﺎ ﻗﻠﺒﻲ ﻳﺎ ﻣﺎ ﻏﻠﺐ..ﻣﺶ ﻋﻴﺐ
ﻳﺒﺎﺕ ﻣﻐﻠﻮﺏ..
ﺍﻫﻮ ﺑﺮﺿﻪ ﻓِﺪْﺗﻴﻨﺎ ﻭﻛَﻔَّـﺮﻧﺎ
ﺑﻴﻜﻲ ﺫﻧﻮﺏ..
ﻭﻟَـﺤَﺴْـﻨﺎ ﻣﻦ ﺷَﻬْﺪِﻙ ﻭﺷﺮِﺑْـﻨﺎ ﻣﻦ
ﺭِﻳﻘِﻚ..
ﻭﺳْﻜِﺮْﻧﺎ ﻣﻦ ﻛﺎﺳِﻚ ﻭﻛَﺴَﺮْﻧﺎ
ﺇﺑﺮﻳﻘِﻚ..
ﻭﻃْﻌِﻤْﻨَﺎ ﻣﻦ ﺣُﺴْﻨِﻚ ﻭﺷْﺒِﻌﻨﺎ
ﺑِـﺒَـﺮﻳﻘِﻚ..
ﻭﻣْﺸِﻴﻨﺎ ﻓﻲ ﻃَﺮﻳﻘِﻚ..
ﻭﺭﺟِﻌْﻨﺎ ﻣَـﻠْـﻮِ ﺍﻟﻴَﺪّ..
ﺟَﺮْﺣِﻲ ﻗُﺼَﺎﺩ ﺟَﺮْﺣِﻚ..ﻭﻻ ﺣﺪ
ﻇﺎﻟﻢ ﺣﺪ..
ﻭﻻ ﺍﻧﺘﻲ ﻓﺎﻛﺮﺍﻧﺎ ﺭﺟﺎﻟﺔ
ﺧﻴﺒﺎﻧﺔ؟
ﻧﺒﻜﻲ ﻋﻠﻰ ﺍﻟﻨﺴﻮﺍﻥ ﻭﻧْﺴِﺢّ ﻓﻲ
ﺑﻜﺎﻧﺎ؟
ﻛﻨﺘﻲ ﺍﺳﺄﻟﻲ"ﻧﺎﻧﺎ"
ﺍﻟﻠﻲ ﺍﺳﻤﻬﺎ"ﻧﺎﻧﺎ"
ﻳﺎ ﺩﻭﺏ ﺯِﻋِﻠْﻨﺎ ﻳﻮﻣﻴﻦ ﻭﺍﻫﻲ ﺩﻧﻴﺎ
ﻻﻫْﻴَﺎﻧﺎ
ﻣﺎ ﺗﻜﺪﺑﻴﺶ ﻉ ﺍﻟﻨﺎﺱ..ﺍﻟﻨﺎﺱ ﺩﻱ
ﻋﺎﺭﻓﺎﻧﻲ
ﻗﻠﺒﻲ ﺧﺸﺐ ﻟﻮ ﻏﻄﺲ ﺑِﻴْﻘِﺐ ﻣﻦ
ﺗﺎﻧﻲ
ﻓﻤﺎﺗﺤﺮﺟﻴﺶ ﺭﻭﺣِﻚ ﻭﺗﻘﻮﻟﻲ ﺩﻩ
ﻋﺸﻘﻨﻲ
ﺑﺪﺍﻝ ﻣﺎ ﺻﺎﺣﺒﺎﺗﻚ ﻳﻘﻮﻟﻚ ﺁﺩﻱ
ﺩﻗﻨﻲ
ﺣِﺒِّﻲ ﻋﻠﻰ ﻗَﺪِّﻙ ﻭﺍﺣﻜﻲ ﻋﻠﻰ
ﻗﺪﻙ
ﻭﺍﻥ ﺟﺖ ﺳﻴﺮﺗﻨﺎ ﻑ ﻳﻮﻡ ﺍﺑﻘﻲ
ﺍﻟﺰَﻣِﻲ ﺣَﺪِّﻙ
ﺗﺘﺪﻟﻌﻲ ﻣﺎﺷﻲ..ﺗﺘﺒﻐﺪﺩﻱ ﻣﺎﺷﻲ
ﻭﺗﻘﻮﻟﻲ ﺣﺒﻨﻲ ﻣﻮﺕ ﺑﺮﺿﻪ ﻣﺎ
ﻳـﺠﺮﺍﺷﻲ
ﺑﺲ ﺍﻧﺘﻲ ﻣﻦ ﺟﻮﺍ ﻓﺎﻫﻤﺔ ﺍﻥ ﺯﻣﻨﻚ
ﻣﺎﺕ
ﻭﺑﻘﻴﺘﻲ ﺯﻱ ﺍﻣﻴﺮﺓ ﻗﻠﺒﻬﺎ ﺷﺤﺎﺕ
ﻟِﻔِّﻲ ﻋﻠﻰ ﺻﺤﺎﺑﻲ..ﺳِﺒِّـﻴﻨﻲ ﻓﻲ
ﻏﻴﺎﺑﻲ
ﻗﻮﻟﻲ ﺍﻥ ﻋﻤﺮﻙ ﻳﻮﻡ ﻣﺎ ﻭﻗﻔﺘﻲ
ﻋﻠﻰ ﺑﺎﺑﻲ
ﻻ ﻛَﻮِﻳﺘﻲ ﻗِﻤْﺼﺎﻧﻲ ﻭﻻ ﺟِﻴﺘِـﻲ
ﺯُﺭْﺗِﻴﻨﻲ
ﻭﻟﻼ ﺗﻌﺮﻓﻲ ﻣﻜﺎﻧﻲ ﻭﻻ ﺗﻌﺮﻓﻲ
ﺗـﺠﻴﻨﻲ
ﻭﺍﻧﻲ ﻳﺎ ﺩﻭﺏ ﻭﺍﺣﺪ ﺩﺍﻳﺐ ﻑ
ﺩﺑﺎﺩﻳﺒﻚ
ﻋﺎﻣﻞ ﻛﻤﺎ ﻋَﻴِّﻞ ﺷﺎﺑﻂ ﻓﻲ
ﺟﻼﻟﻴﺒﻚ
ﻭﺍﻧﺘﻲ ﻳﺎ ﻋﻴﻨﻲ ﺃُﻑ
ﺯﻫﻘﺎﻧﺔ ﻣﻨﻲ ﺧﻼﺹ
ﻋﻤﻠﺘﻲ ﺯﺍﺭ ﺑﺎﻟﺪُّﻑ
ﻭﺳُﻘْﺘِﻲ ﻛُﻞّ ﺍﻟﻨﺎﺱ
ﻭﺍﻧﺎ ﺑﺮﺿﻪ ﻻﺯِﻗْﻠِﻚ
ﻣﻌﻠﺶ ﺣَﻈِّﻚ ﻛﺪﺓ ﺭَﺑِّﻚ
ﻭﺭﺍﺯِﻗْﻠِـﻚ
ﺭﻭﺣﻲ ﻳﺎ ﺷﺎﻃﺮﺓ ﻫﻨﺎﻙ ﺍﻧﻀﻤﻲ
ﻟﻼﻟﺒﻮﻡ
ﺍﻧﺎ ﻛﻞ ﻋﺸﺮﺗﻲ ﺑﻴﻜﻲ22ﻳﻮﻡ
ﻋﻤﻠﺘﻲ ﻧﻔﺴﻚ ﺣﻜﺎﻳﺔ؟؟
ﻭﻣﺤﺒﺔ ﻓﻴَّـﺎﺿﺔ ﻭﻣَﺨَﺪَّﺓ ﺑَﻜِّﺎﻳﺔ؟
ﻭﺳﻬﺮ ﻭﺳُﻬْﺪ ﻭﻭﻳﻞ؟
ﻭﺑﻜﺎ ﻭ ﻏﻨﺎ ﻭ ﻣﻮﺍﻭﻳﻞ؟
ﻓﻲ22ﻟﻴﻞ!!
ﻋﻠﻰ ﺍﻱ ﺣﺎﻝ
ﺷﻜﺮﺍ ﻭﺷﻜﺮﺍ ﺛﻢ ﺷﻜﺮﺍ
ﻟﻠﻘﺼﻴﺪﺓ
ﻗَﻠَّﻤﺎ ﺗﺄﺗﻴﻨﻲ ﺍﻣﺮﺃﺓٌ ﺑﺄﻓﻜﺎﺭٍ
ﺟﺪﻳﺪﺓ